احنا البنات مشاكلنا برشة وما يعجبناش العجب. كان تبدا طفلة ضعيفة تولي تحب تسمن، كان تبدا معبية تولي تحب تضعاف، كان شعرها بوكلي تقلك أحرش وكان أرطب تقلك رهيف متفتف. وما نحكيوش عاد على الصدر. بالأخص كيف يبدا صغير. هاو مالا 16 حاجة، فيهم الباهي وفيهم الخايب، ماتنجم تفهمهم كان ما يبدا عندك صدر صغير. وكيما يقولو، الشنقة مع الجماعة خلاعة !

1- ما عندكش مشاكل ظهر.

2- تنجم تخبي ماكياجك الكل في البوسطو متاعك على ماهو فارغ.

3- تنجم تخرج بلاش بوسطو من غير ما يفيق بيك حد.

4- كلمة “ديكولتي” ( décolleté) ما تعنيلك حتى شي.

5- تنجم تشبه روحك  بكيت موس ( Kate Moss ) بكل ثقة في النفس وراسك عالي.

6- تبدا تستنى في هاكل الجمعة إلي قبل العادة الشهرية بالدقيقة والدرج على خاطر تعرف إلي صدرك باش يكبر.

7- مالي عمرك 15 شطبت على حاجة اسمها بيكيني مثلث وديكولتي.

8- تجري وبالك مرتاح.

9- الكلاسط ما تلبسهمش كان في ساقيك.

10- تنجم تتحول لباميلا أندرسون ( Pamela Anderson ) في رمشة عين. (بحياة راس الكلاسط).

11- البيكيني يقعد 6 سوايع يشيح على ماهو مبطن.

12- خموس يحبك على سواد عينيك مش على حاجة أخرى، الحكاية هاذي ما فيهاش كلام.

13- عمرك ما تنجم تشري بيكيني ولا ملابس داخلية نفس القياس من الفوق ومن اللوطة.

14- ديما تتساءل كان نهار أخر باش تنجم ترضع صغيرك كيفما يلزم.

15- كلمة “حطبة” تركبلك الدم.

16- الجاذبية ما عندهاش عليك حتى تأثير.

ET SI VOUS METTIEZ VOTRE GRAIN DE SEL ?