اكرم زيتون هو شاب تونسي متخرج من المدرسة الوطنية للمهندسين بصفاقس سنة 2013 توجه لرئيس القسم في الجامعة متاعوا باش يعاونو باش يخرج يكمل قرايتو لبرى، أما على حد قولو إلي رئيس القسم تمنيك عليه ورفض الطلب متاعوا وقالو: “ما نبعثش واحد يحشمني مع الفرنسيس

جملة أثرت في أكرم هذاك إلي خلاه شد الصحيح وطلع بإمكانياتوا الذاتية باش كمل قرايتو والتحق بجامعة كارديف في بريطانيا واختص في الهندسة الميكانيكية  وكمل الماجستير بعد 4 سنين من الدراسة.

وتوا اكرم زيتون ولى مدير مشروع بحثي في علوم الفضاء والطيران وباش يقدم رسالة دكتوراه في هندسة الفضاء والطيران .

كيما أكّد زيتون في تصريح لاذاعة موزاييك إلي كل واحد فينا لازم يتمسك بحلمو و ما يسمعش كلام الناس وما ييأسش وقت الفشل ويواصل طريقوا في النجاح.

Par Ghaya Saidi

ET SI VOUS METTIEZ VOTRE GRAIN DE SEL ?