(العربية) ليلة العرس، خيبة الأمل

0
3765
AWYRW5 Bride disappointed with groom passed out on hotel bed

لحظة سحرية وفي قمة الرومنسية، هي إلّي يحلموا بيها كل الشباب المعرسين جدد ليلة العرس٠ زاده إلّي يخلّي لحظة الإلتحام الجسدي هذي ما تتنساش، هي إنّو العروسة المُستقبلية تنظّم، أشهرة قبل العرس، التّفاصيل وتختار بعناية بلاصة عشّ الزوجيّة٠ رغم هذا صعيب باش تتعدّى ليلة العرس كيما توقّعناها، والإنتظارات للأسف تخيب في أغلب الأوقات٠ “فام دو تونيزي” تعطيكم نصايح باش تتجنبوا خيبات الأمل وباش تخلّيوا ليلتكم أحلى ما يكون!٠

العرس يِتْحضّر قبل برشة، بالأخصّ كان نحبّوا نخلّيوا الليلة هذي إستثنائية٠ كي نوصلوا للّيلة المصيريّة، كل شي لازم يبدا محضّر على أحسن ما يكون، كيما لحن سنفونيّة منسّقة ببرشة آلات منسجمة٠

آما بين المشاعر القويّة وردّان البال باش كلّ شيء يصير كيما نحبوا، ينجّم النهار الكبير هذا يتعّبنا ياسر والليل يولّي ياسر قصير٠ مالة زايد باش نصرفوا برشة وقت وفلوس في تنظيم ليلة العرس إذا التعب موش شيخلّينا نتمتعوا بيها٠الأكثريّة نعدّيوا الليلة  هذي وصحابنا دايرين بينا، وأحنا نحكيوا في قصص ضامرة على صُغرنا٠ ماكمش شتحسّوا إلّي إنتوما ‘راتيتوا’ ليلة عرسكم أكاهو، آما زادة باش تشاركوا لحظات ما تتنساش مع النّاس إلّي تحبّوهم٠ كي تأجّلوا ليلتكم كعرايس جدد لغدوة، تنجموا تتمتعوا بلحظاتكم المميّزة وتحققوا إلّي تصوّرتوه  الكل٠

هو أكيد مستحيل نضمنوا إنّو لومور تمشي كيما لازم ليلة العرس، وساعات بعض الحاجات إلّي ما توقّعناهاش تأثّر على كل شي٠ اللّحظة إلّي مالمفروض تكون بكلها أحاسيس إيجابية تنجّم تولّي كابوس إذا إنت ياسر متوتّرة٠

مانيش شنزيدك حاجة كبيرة كي نقلّك باش تتجنّب الدراما، ما تكونوش دراميّة وتفكّر فاللّخر، إلّي اللّيلة هذي هي مناسبة باش تعيش سعادة مشتركة، أهمّ حاجة إنّك تعيش لحظة مزيانة مع راجلك٠ لازم تعرف كيفاش تقدّر حلاوة الحاجات إلي ما تتوقّعهاش باش تتجنّب الخيبات الكبيرة٠ سيّب روحك وأفرح إنّك أوّل مرّة موجودة وحدك مع نصّك الثاني، خاطر النهار هذا بطبيعتو مزيان، كي توصل تحوّل العقبات لإمكانيّات جديدة إلّي باش تبقاوا تتفكروها بالباهي إنتوما لثنين٠

فاللخّر، ما فمّا كان مقياس حقيقي واحد لازم نحطوّه في حسابنا آما ديما نغفلوا عليه: رغبات العروس الجديد٠ في النّقطة هذي، عندك الزهر: الرّجال بصفة عامّة بساط برشة ويتصرفوا “دُغري” فيما يخصّ الجنس٠ ما فمّاش علاش نكثّروا من فازات الإغراء باش نثيروا نصفنا الآخر، كون على طبيعتك، هذاكا السحر إلّي يخلّيك ما تتقاومش ماللّحظة لولة إلّي يحطّ فيها راجلك نظرو عليك٠ ما تقلقش، مازالت الحياة قدّامك باش تعيش إلّي تخيّلتو الكل وباش تكتشف وضعيّات جديدة٠

إلّي يخلّي الليلة هذي مزيانة، هو أكيد تجربة نفس الأحاسيس هذي إلّي تعيشوها في المرّات لولة٠ كي تحسّ زادة الفورة إلّي تسري في بدنك، وإلّي تتكثّف كي تزيد المداعبات إلّي اكتسبتها في الليالي الفايتة مع راجلك٠ بالنّسبة للبنات إلّي يستناوا في ليلة العرس باش يعيشوا المغامرة، طفّيوا عليكم الضغوطات وركّزوا على جماليّة الحدث٠ العلاقة الجنسيّة كنز نكتشفوه بالشويّة بالشويّة

Pour Lire l’article en Français, cliquez ICI