[Photo : Jess – “New Girl”]

أي طفلة تونسية مش معرسة حياتها مش ساهلة برشة. وزيد كان تلزت وإلا حبت نهار تكري دار، لازمها تخلق برشة صبر ووسع بال بش  تنجم تقاوم أيمات المرج في التلويج. وهاو جملة من المشاكل إلي تنجم تتعرضلها 

إلي ما يكريوا كان لعايلة : معناتها يا تهز عايلتك الكل تكري معاك يا تعرس بش سي الكاري يرضى علي  

إلي ما يحبوش المشي والجي : معناتها بش تنجم تكري دار لازم تنفي روحك

تلقى حفرة في بلاصة بيت : يقلك 3 بيوت تجي تشوف تلقى وحدة فيهم ما ترفعش كرسي

إلي يجبدو بيك أخر دقيقة : تتفاهموا بش تشوفوا الدار العشية، يكلمك بعد بدقيقة يقلك ما إنجمش فما البناية وإلا معادش يهز عليك التاليفون

إلي يحبوا يكريولك بالسيف : دوبا تشوف حالة الدار تفهم الهدرة أما الملاك يكبش. يطيحلك السوم للشطر ويردهالك قصر الدهشة وكان لزم يزيد يقرق بيك

إلي ما يصحوا كنتراتو كان مع راجل : على اناهو أساس ؟ الله أعلم

السوم وحالة الدار : كان سومها عجبك أعرف راهي بش تطلع حكايتها فارغة وكان الدار عجبتك أعرف راهو سومها بش يهربك

كيف بش تكري مع شكون : هو بش تلوج وحدك صعيبة، وكمل كان معاك شكون وتولي كل وحدة تتشرط من شيرتها الحكاية تزيد تصعاب

المشاكل المخبية : حتى كان لقيت دار باهية بسوم عجبك، ثبت تلقاشي شوية جثث كفار على طرف وسخ فار على ريحة خايبة في بيت البانو …

الحومة : الدار وسومها أمورهم يعملوا 66 كيف أما الحومة في الخلا المخلي

[Lire l’article en français]

ET SI VOUS METTIEZ VOTRE GRAIN DE SEL ?