(العربية) خمسة حاجات يحبهم الراجل التونسي في الفرش

0
17612

تحب تجدد حياتك الجنسية مع راجلك و مالقيتش كيفاش والا معرفتش كيفاش، نحن بش نحاولوا نعاونوك و نقولولك على خمسة حاجات يحبهم الراجل التونسي في الفرش

يحب يسمعك كي تبدا مستمتعة

الأهات متاعك بش يقوموا بالواجب و يسخنوا الجو، اما زادا شريكك يحب يسمعك تقول كلمات “وقحة” كيف “خوذني” ، “اقوى”… جرب قول حاجات كي هكا و شوف النتيجة، اما اذا كنت حشامة و ماتحسش روحك مرتاحة كان بش تقول حاجات كي هكا من الاحسن تسكت جملة و ماتقولش حاجة تنجم تفسد كل شي

يحبك تبادر انتي الاولى

الراجل يحب ديما تكون كلمته الاولى و يحب هو اللي يحكم حتى في الفرش اما كي مرة تبدى انتي الحكاية مافيها باس، ساعة ساعة كي تقلبوا الادوار و تبينلوا قداش شاهيته، و شنوا تحب و شنوا ماتحبش، موش حاجة خايبة

 يحب “يستعبدك”

افهمونا بالباهي، الراجل يحب يرا بدن مرته يتذبذب حسيا على خاطره، ماتسيش مالا اللي الوقت اللي “تتعري” فيه قدامه، هذاكا وقت سبسيال بالنسبة ليه. و اذا تحب توصله للسماء السابعة تنجم تمارس العادة السرية قدامه

يحب يجرب وضعيات جديدة

الروتين و انكم تبقوا تعملوا نفس الحاجات في كل مرة، حاجة تنجم تقلق شريكك و تقلقك انتي زادا… هو يحب يجرب وضعيات جديدة معاك اما موش الرجال الكل تنجم تطلبها من نسائها، كان ماطلبشهم منك تنجم انتي تدلل راجلك و تقترحي عليه انتي لولة

يحب يتفاجئ

تخرج من المؤلوف هو زادا تخرجوا من الفرش، هو ااكيد يحبك تفاجئيه ساعة ساعة… اسرح بخيالك و جربوا بلايص جديدة كيف الصالة والا الكوجينة مثلا …

ملاحظة: ماتنجم تعمل هذا الكل كان كي يكون راجلك مخه محلول و متحرر