الأولاد في العادة صعيب برشة باش تفهمهم. وخلي عاد كان يبدا صاحبك ومضروب فيك. باش يعمل المستحليات باش ما تفيقش بيه. أما ساعات فما حاجات كيف يعملهم يشلق على روحو  من غير ما يشعر.

1- هكا هكا بيك : يهزك ويجيبك ويدلك وإلي تحب عليه الكل يعملو. غير قول برك.

2- يسعمك : يتذكر أي حكاية تحكيهالو بتفاصيلها الكل.

3- الحكايات في الليل : يعدي بالسوايع وهو  ما يحكي كان معاك إنت على الفايسبوك.

4- تضحكو : نكتاتك يعجبوه وديما يضحك عليهم، حتى أمرق وحود.

5- يعرفك بالحق : يعرف عليك كل شي. ماضيك، حلماتك، مشاكلك، شنوا تحب، شنوا تكره…

6- يحب يمسك : يحط يدو على كتفك، يعنقك، يمسحلك على شعرك، يقرسك من خشمك…

7- الغزرة : كيف تجي العين في العين يا إما يقعد يغزرلك، خاصة كان يبدا مشنشن شوية، وإلا يدور وجهو على خاطر يخاف لا تشلق بيه.

8- مغيار : كيف تحكيلو على صاحبك ، على الطفل إلي يعجبك وإلا كيف يبزنسوا عليك قدامو، وجهو يتقلب ويتمد ميترو. وملي كان يضحك وزاهي يولي راسو يوجع ويحب يروح.

9- يحبك تغير عليه : يحكيلك على البنات إلي يعجبوه وإلا يعدي ليلة كاملة يحكيلك على الطفلة إلي تعدات قداه جاتو مزيانة.

10- يحب يقعد وحدو : بعد ما يحكيلك على البنات إلي يعجبوه يبدا يفسرلك كيفاه يحب يقعد وحدو وما لقاش البنية إلي يحب يبني معاها حكاية.

11- يحب يغلطك : ديما يسألك على صاحبتك  “شبيها ما جاتش ؟” ، “محلاها هاكل الطفلة”… وهذا الكل باش إنت با تفيقش إلي هو يخمم فيك إنت.

12- يصوحب صحابك : يولي صحاب معاهم الكل ويحب يعرفك على شلتو هو زادة باش يزيد يتقرب منك.

13- ديما موافق : أي حاجة تقولها ما يعاكسكش عليها.

14- الغزرة إلي تخون : كيف تحط الحطة وتتبدل عليه وكيف يشوفك يدخل بعضو.

ET SI VOUS METTIEZ VOTRE GRAIN DE SEL ?