(العربية) أربعطاش نصيحة كيفاش تتصرف في علاقة جديدة

0
5777

صديقتنا فاتن الفازع، شهرت الفاتنة، ديما تود أصدقائها على صفحاتها في المواقع الإفتراضية ببرشة نصائح. عاد من جملتها كيفاش تتصرف في علاقة. إليكم أربعطاش نصيحة

 بعمرك لا تلوجلو في تاليفونو / فايسبوكو راهو اللي يلوج يلقى وأحنا بيدنا كان تبربش تحتنا شوية تو تلقى غول مخبي

كان سألك على علاقاتك السابقة خلي نومرو 8 يكون حليفك ماتفوتوش وإذا فتو ماتتجاوزش ال10

بعمرك لا تشكر آكس قدامو

كان فقت بيه يخون فيك وتعرف روحك يستحيل تتحمل الخيانة وباش اتطفيه قلو وأبعثو، كانك باش تسامحو سكر فمك وخليه خايف لا تفيق خاطر كان سامحتو باش يعاودها 


ريق وين تمشي شطر الأولاد يتضربو فيك نحيه، هاذي مشيت لعرس ياخي أم اللي يقشر في السلاطة المشوية واللي يركب في السونو حبو يخطبوك لا 


كي يبدى عندو طرح رامي والا تكويرة والا فرجة في ماتش ماتمرجوش راهو الولاد حاجتهم بمساحة ليهم كيما أحنا حاجتنا بتحليقة مع صاحباتنا باش نحكيو فيها على سكر زينة قداهوش خير من سكر خالتي حسناء الحارزة 


ما تلوجش على لي (ز)آكس متاعو كان جاء يحبهم راهو قعد معاهم 


حاول تبني علاقة صحبة معاه وأضحكو على حاجات تافهة 


لوكانو مالنوع اللي ما يعجبوش العجب طفيه 


بعمرك لا تدخل في علاقة تكون فيها إنت المرا الثانية 


الحب متاع الهبال والعلاقات بلاش التزام محلاهم كي نقراوهم في كتاب والا
نتفرجو فيهم في فيلم آما على أرض الواقع يحطمو وما يسعدوش


كي توصل لل25 ما عادش تضيع برشة أعوام في علاقة اللي تشمها فاشلة
وموش باش توصلك للمبتغى والهدف الأقصى اللي هو العرس خاطرك تحب تعرس ما تقعدش فيها راهو العمر يجري 


حب روحك أكثر مالعباد الكل 

قلو كلام باهي كل إنسان محتاج شكون ينفخلو سون إيڨو

 

فاتن الفازع