فما إلي في فطور الصباح، القهوة والكرواسان والجي دورنج ما ينحيهملو حد. فما إلي يبدا نهارو بصحفة لبلابي. وفما زادة إلي متشبث بالتقاليد التونسية. خترنالكم 13 فطور صباح ما تلقاهم كان في دار تونسية :
– العصيدة : عصيدة زقوقو، بوفريوة، فستق…
– عصيدة بيضة / عصيدة عربي : إلي نخدموها بالفرينة. فما جهات ياكلوها بالعسل، وبلايص أخرى ياكلوها بالزبدة وإلا السمن والبسيسة والتمر.
– البسيسة : جارية بالماء و إلا بالحليب ؛ وإلا يابسة بالزيت ول سكر والجلجلان مثلاً.
– الشريحة : إلي هي الكرموس المشيح. فما إلي يعديها ببسيسة الدرع.
– الفطاير : ناكلوهم بالسكر المرحي، بالعسل وإلا بالمعجون.
– خبز الطابونة : وإلا ملاوي ونعديوهم بزيت الزيتونة.
– اللبن : فما إلي يشربو وحدو وفما إلي يعديه بالتمر.
– المسفوف : بالتمر، بالزبيب وإلا بالرمان.
– العظم : يابس وإلا مروب.
– الحلو التونسي : كعك، خبز درع، غريبة، مقروض…
– صحن تونسي : مشخشخ بالتن وفيه الهريسة زادة.
– الصحلب : جاري وإلا عاقد، بالماء وإلا بالحليب.
– الزميط : بالرمان، بالعنب وإلا بالهندي.
