Désolé, cet article est seulement disponible en arabe. Pour le confort de l’utilisateur, le contenu est affiché ci-dessous dans une autre langue. Vous pouvez cliquer le lien pour changer de langue active.

الديمارج في الصباح موش حاجة ساهلة. القومان بكري والمشي للخدمة (وإلا للقراية) والعصب في الكياس… عاد الواحد مذابيه زادة ما يصبحش على عبد يمررلو نهارو. هاو ليستة متع أنواع متع ناس كي تشوفهم أهرب إجري بش تربح صحتك وراحة بالك :

– المكشبر : شي ماهو عاجبو. إلي يصبح عليه يبدا يتغبنلو ويحكيلو مشاكل حياتو الكل. العبد هذا ينجم يكون زميلك مثلاً. حاول ما إطولش معاه الحديث.

– إلي يحكي برشة : تنجم تكون جارتك، بعد ما تصبح عليك تشدك بالهدرة نصف ساعة ونتي تتغصور ما تلقاش كفاه تسل روحك.

– السلبي : يجي يقول صحة يقول سداف. يكلمك دوبا يحل عينيه بش يعطيك الأخبار التعيسة الكل. نصيحة، ما تهزش عليه قبل الحداش.

– المتعنطز : تنجم تلقاه في إدارة مثلا. وبالطبيعة ماهوش بش يصبح عليك… هذا كان ماقالكش إرجع غدوة.

– المصعصع : تنجم تعرضو في كرهبتو في الكياس. يبدا راكبو جن، يزمر ويسب وكشاكشو طالعة… هذا ردبالك منو. ننصحوك قوي في الراديون وأعمل فيها مولى الدار موش هوني بأنقص وجيعة راس.

– إلي يحب على حويجة : أي عبد يشوفو لازم يطلب منو مزية. الشي أقوى منو. مرة، ثنين، تتعدى. أما كل يوم ؟ وعالصباح زادة ؟…